കൊച്ചി :എറണാകുളം പ്രസ് ക്ലബിന്റെ ഓണാഘോഷം ഹൈബി ഈഡൻ എം പി ഉദ്ഘാടനം ചെയ്തു.
നിലവിലെ കൊവിഡിൻ്റെ പശ്ചാത്തലത്തിൽ മാധ്യമ പ്രവർത്തകർക്കും കുടുംബത്തിനുമായി ഓൺ ലൈൻ മത്സരങ്ങളുടെയും ഓണക്കിറ്റുകളുടെ വിതരണവും അദ്ദേഹം നിർവഹിച്ചു.
സിറ്റി പോലീസ് അസിസ്റ്റൻറ് കമ്മീഷണർ കെ ലാൽജി മുഖ്യാതിഥിയായി . പ്രസ് ക്ലബ് പ്രസിഡന്റ് ഫിലിപ്പോസ് മാത്യു അധ്യക്ഷത വഹിച്ചു. ബി ജെ പി മധ്യ മേഖല സെക്രട്ടറി സി ജി. രാജഗോപാൽ, പ്രസ് ക്ലബ് സെക്രട്ടറി പി ശശികാന്ത് , ട്രഷറർ സിജോ പൈനാടത്ത് എന്നിവർ പ്രസംഗിച്ചു.