കൊച്ചി: അന്തരിച്ച എറണാകുളം പ്രസ് ക്ലബ് അംഗവും സീനിയര്‍ ഫോട്ടോഗ്രാഫറുമായ വി.കെ അജിയെ അനുസ്മരിച്ചു. എറണാകുളം പ്രസ് ക്ലബ് ഹാളില്‍ നടന്ന ചടങ്ങില്‍ മാതൃഭൂമി മുന്‍ ചീഫ് ഫോട്ടോഗ്രാഫര്‍ വി.എസ് ഷൈന്‍ അനുസ്മരണ പ്രഭാഷണം നടത്തി.
പ്രസ് ക്ലബ് പ്രസിഡന്റ് ആര്‍.ഗോപകുമാര്‍ അധ്യക്ഷനായ ചടങ്ങില്‍ ട്രഷറര്‍ അഷ്‌റഫ് തൈവളപ്പ്, സംസ്ഥാന എക്‌സിക്യൂട്ടീവ് അംഗം ജിപ്‌സണ്‍ സിക്കേര, മാതൃഭൂമി ചീഫ് സബ് എഡിറ്റര്‍ ജിജോ സിറിയക്, ചീഫ് റിപ്പോര്‍ട്ടര്‍ സിറാജ് കാസിം, സീനിയര്‍ ഫോട്ടോ ജേര്‍ണലിസ്റ്റ് ആര്‍.ആര്‍ ജയറാം, മുന്‍ പ്രസ് ക്ലബ് പ്രസിഡന്റ് കെ.രവികുമാര്‍ തുടങ്ങിയവര്‍ സംസാരിച്ചു. പ്രസ് ക്ലബ് സെക്രട്ടറി എം.ഷജില്‍ കുമാര്‍ സ്വാഗതവും, ഫോട്ടോ ജേര്‍ണലിസ്റ്റ് ഫോറം കണ്‍വീനര്‍ പി.ആര്‍ രാജേഷ് നന്ദിയും പറഞ്ഞു.